“WhatsApp” yeni funksiyanı işə salır
“WhatsApp” messenceri yeni funksiyanı işə salır, Banker.az bu barədə xarici mediaya istinadən xəbər verir. Məlumata görə, messencerin “Telegram”la inteqrasiyası gözlənilir. Bu o deməkdir ki, bütün “WhatsApp” istifadəçiləri “Telegram”da olan dostlarına heç bir maneə olmadan mesaj göndərə biləcəklər.
Belə bir təşəbbüs Avropa İttifaqının rəqəmsal bazarlarla bağlı qanunvericiliyinin tələblərindən irəli gəlir. Hər iki tətbiqin avropalı istifadəçiləri bu funksiya ümumi istifadəyə verildikdə bildiriş alacaqlar.
2027-ci ilə qədər “WhatsApp” tərtibatçıları audio və video zənglər üçün də oxşar funksiyanı işə salmağı planlaşdırırlar.
