“WhatsApp”ın dizaynı kəskin dəyişəcək
“WhatsApp” tətbiqinin dizaynı kəskin dəyişəcək. Məlumata görə, “Söhbətlər”, “Zənglər” və “Status” bölmələri aşağı panelə köçürüləcək. Tünd yaşıl rəngdə olan üst panel ağ, messencerin adı isə yaşıl rəngdə olacaq.
Eyni zamanda “Söhbətlər” bölməsinə əlavə filtrlər qoyulacaq, hansı ki “Söhbətlər”i müxtəlif kateqoriyalar üzrə sıralamağa imkan verəcək: “Hamısı”, “Oxunmamış”, “Şəxsi” və s.
Xatırladaq ki, daha əvvəl messencer bir cihazda bir neçə hesab yaratmaq və e-poçt vasitəsilə qeydiyyatdan keçmək funksiyalarını təqdim edib.
