Ölüm cədvəli

03 oktyabr 2018

Sözün izahı

Eyni yaşda olan şəxslər üçün orta statistik ölüm dərəcəsinin və ya ehtimal edilən yaşama müddətinin göstəricilərini əks etdirən statistik cədvəl.

Dəqiq yaş	Kişi			Qadın
Dəqiq yaş	Bir il ərzində ölüm ehtimalı	Diri doğulmuş hər 100 min nəfərə yaşayanların sayı	Sonrakı yaşama müddəti (il)	Bir il ərzində ölüm ehtimalı	Diri doğulmuş hər 100 min nəfərə yaşayanların sayı	Sonrakı yaşammüddəti (il)
0	0.007349	100,000	75.10	.006055	10,000	80.21
1	0.000465	99,25	74.66	0.000433	99,395	79.70
2	0.000321	99,219	73.69	0.000276	99,351	78.73
3...	0.000244	99,187	72.72	000184	99,324	77.75
12...	0.00035	99,050	63.81	0.000113	99,210	8.84
25...	0.001496	97,785	51.53	0.000536	98,736	56.13
39...	0.002193	95,641	38.52	0.001299	97,691	42.65

Əlavə izahat:

Ölüm cədvəli həyat sığortası şirkətlərinə sığorta tariflərini və nəticədə də sığorta haqlarını müəyyən etməkdə kömək edir. Belə ki, aktuar hesablamalar zamanı bu cür cədvəllərdən istifadə etməklə sığortaçı sığorta haqları və onların investisiyasından daxil olan digər vəsaitlərin sığorta müqavilələri üzrə öhdəliklərini qarşılamağa kifayət edib-etməməsini müəyyən edir. Kifayət etməməsi qənaətinə gəldikdə isə sığorta tariflərində və ya qaydalarında dəyişiklik etməyə məcburdur.

Azərbaycan Respublikasının qanunvericiliyinə istinad

Azərbaycan Respublikasının qanunvericiliyində “ölüm cədvəli”nin anlayışı verilməmişdir.

Beynəlxalq təcrübədən nümunə

Beynəlxalq Sığorta Nəzarətçiləri Assosiasiyasının «Sığorta Terminləri lüğəti» (2005), səh. 42:

Ölüm cədvəli (_eng.-mortality table)–adətən hər min nəfər üzrə ifadə olunan hər bir yaş üçün ehtimal olunan ölüm dərəcəsini göstərən statistik cədvəl.

www.en.wikipedia.org internet saytı:

Aktuar elmində həyat cədvəli (_eng.-life table) (“ölüm cədvəli ” və ya “aktuar cədvəli” də adlanır) hər bir yaş üçün həmin yaşda olan şəxsin doğum gününün növbəti ildönümünə qədər olan müddətdə ölüm ehtimalını göstərən cədvəldir.