Qızılda yeni REKORD
Qızıl yeni rekord vurdu. Tarif xəbərlərindən sonra qızılın unsiyasının qiyməti 3167 dollara çatdı Beləliklə, ilin əvvəlindən qızılda artım 20 faizə çatıb.
ABŞ prezidenti Donald Tramp demək olar ki, bütün idxal məhsullarına 10 faiz əlavə gömrük rüsumunun tətbiq ediləcəyini açıqlayıb, eyni zamanda bir çox rəqib və müttəfiq ölkələrə əlavə gömrük rüsumları tətbiq edəcək.
Avropa İttifaqı (Aİ) və Çin artan gömrük rüsumlarına cavab verəcəklərini bəyan ediblər.
Gömrük rüsumları səbəbiylə inflyasiyanın sürətlə artacağı və iqtisadi inkişafın yavaşlayacağı düşünülsə də, ölkələrin bir-birinə verəcəyi cavablar səbəbiylə ticarət müharibəsinin qızışacağına dair narahatlıqlar var.
Ağ Evdən verilən açıqlamaya görə, artıq Çinə 20 faiz gömrük rüsumu tətbiq edən ABŞ bunun üzərinə əlavə 34 faiz gömrük rüsumu tətbiq edəcək.
Aİ-yə 20 faiz, Yaponiyaya isə 24 faiz əlavə gömrük rüsumları tətbiq olunacaq.
Deutsche Bank-ın analitiki Michael Hsueh, "Qızılın orta səviyyədən yuxarı bahalaşmasına səbəb olan tələb amillərinin davam edəcəyi ehtimalı var. Mərkəzi bankın alışlarından, inkişaf etmiş bazarlarda qızılla ifadə olunmuş ETF-nin yığılmasından və Çin sığortaçılarının qiymətli metalın "əhəmiyyətli payını" artırmasından qiymətə əlavə dəstək gözlənilir".
