Azərbaycanda yeni cərimə növünün yaradılması TƏKLİF EDİLİR

Azərbaycanda dövlət qeydiyyatı ləğv edilən siyasi partiyanın toplantılarını keçirənlər 8 min manatadək cərimələnə bilər.

ENA.az xəbər verir ki, İnzibati Xətalar Məcəlləsinə təklif edilən dəyişikliklə "Siyasi partiyalar haqqında" qanunla müəyyən edilmiş hərəkətlər istisna olmaqla, siyasi partiyanın fəaliyyətinin dayandırıldığı dövrdə və ya ləğvinin dövlət qeydiyyatına alındığı halda onun hər hansı formada fəaliyyət göstərməsinə, o cümlədən partiya orqanlarının (struktur qurumlanının) və üzvlərinin siyasi partiyanın adından çıxış etməsinə və ya fəaliyyət göstərməsinə, toplantılar keçirməsinə, maliyyə əməliyyatlarının aparılmasına, yaxud onun fəaliyyətinin qanunsuz təşkilində və ya işində iştiraka görə fiziki şəxslər 700 manatdan 1 000 manatadək, vəzifəli şəxslər 1 500 manatdan 2 000 manatadək, hüquqi şəxslər 6 000 manatdan 8 000 manatadək cərimələnəcək.