Büdcə gəlirlərinin 37 faizi Dövlət Neft Fondundan formalaşır. HƏCMİ NƏ QƏDƏRDİR?
Son iki-üç il ərzində qeydə alınan tendensiyanın əksi olaraq, bu ilin yanvar-iyun aylarında Dövlət Neft Fondu valyuta hərracına çıaxrılan bütün dolları sata bilib. Maliyyə Nazirliyinin məlumatına görə, transfert proqnoza qarşı 100% həcmində icra edilib.
2025-ci ilin ilk altı ayında Dövlət Neft Fondundan (ARDNF) büdcəyə transfertin həcmi 7 mlrd. 240,5 mln. manat təşkil edib.
Ötən ilin eyni dövrünə nisbətən Fond tərəfindən büdcəyə köçürmələr 850 milyon manat artıb. Belə ki, ARDNF ötən ilin ilk yarısında büdcəyə 6 mlrd. 390,5 mln. manat transfert edib.
Transfertin büdcə gəlirlərində payı isə 36,6% təşkil edib.
Qeyd edək ki, bu ilin ilk altı ayında büdcənin cəmi gəlirləri 19,8 mlrd. manat, cəmi xərcləri isə 17,09 mlrd. manat təşkil edib.
