Volkswagen Rusiyadakı aktivlərini satdı
Almaniyanın Volkswagen konserni Rusiya aktivlərini Avilon diler holdinqinin strukturuna - MMC Art-Finance-ə satıb, bu barədə avtomobil istehsalçısının mətbuat xidməti məlumat yayıb.
ENA.az xəbər verir ki, şirkət yerli törəmə müəssisələri (Volkswagen Components and Service MMC, Scania Leasing MMC, Scania Finance MMC, Scania Insurance MMC) daxil olmaqla, Volkswagen Group Rus MMC-nin Rusiya nümayəndəliyindəki səhmlərin satışını başa çatdırıb.
Müqavilə Rusiya hökuməti tərəfindən təsdiqlənib. Onun perimetrinə VW-nin Kaluqadakı istehsal müəssisələri, idxalçının infrastrukturu (paylayıcı və satış sonrası biznes), həmçinin anbar və maliyyə xidmətləri daxildir.
Hüquqi şəxslərin Vahid Dövlət Reyestrinə əsasən, "Art-Finance" MMC fevralın ortalarında Moskvada qeydiyyata alınıb.
