“Reproduktiv sağlamlıq haqqında” qanun layihəsi hazırlanır
Milli Məclisin payız sessiyası müddətində “Reproduktiv sağlamlıq haqqında” qanun layihəsinin hazırlanması nəzərdə tutulur.
Modern.az-ın məlumatına görə, bu məsələ parlamentin Səhiyyə komitəsinin payız sessiyası üçün iş planında yer alıb.
Komitənin bugünkü iclasında müzakirəyə çıxarılan iş planında həmçinin koronavirusla (COVID-19) bağlı ölkədəki mövcud vəziyyət və görülən tədbirlərə dair, eləcə də icbari tibbi sığortanın tətbiqi ilə bağlı normativ-hüquqi aktlara dəyişikliklərin edilməsinə dair və tibbi tullantıların idarə edilməsi ilə bağlı dinləmələrin təşkili yer alıb.
İş planı müzakirələrdən sonra komitə üzvləri tərəfindən qəbul edilib.
