Axtar

Neftin qiyməti 4 seansdan sonra ilk dəfə ucuzlaşıb: Qazaxıstan hadisələri ticarətçilərin diqqət mərkəzindədir

Neft qiymətləri ABŞ-da monetar siyasətin sərtləşdirilməsi gözləntiləri fonunda ilk dəfə olaraq dörd seansda ucuzlaşıb. 

Londonun ICE Futures birjasında cümə axşamı saat 9:15-ə olan Brent markalı neftin mart fyuçerslərinin dəyəri bir barel üçün 79,66 dollar təşkil edir ki, bu da əvvəlki sessiyanın bağlanışındakı qiymətdən 1,14 dollar (1,41%) aşağıdır. 

Nyu-York əmtəə birjasında (NYMEX) elektron hərraclarda fevral ayı üçün WTI markalı xam neftin fyuçerslərinin qiyməti bu vaxta kimi bir barel üçün 76,8 dollar təşkil edir ki, bu da əvvəlki sessiyanın yekun dəyərindən 1,05 dollar (1,35%) aşağıdır. 

Çərşənbə günü dərc edilən Federal Ehtiyatlar Sisteminin (FRS) dekabr iclasının protokolları Amerika Mərkəzi Bankının rəhbərlərinin "ovçu" münasibətini göstərdi.

"İclas iştirakçıları ümumilikdə qeyd ediblər ki, iqtisadiyyat, əmək bazarı və inflyasiya ilə bağlı öz proqnozlarını nəzərə alaraq, faiz dərəcəsinin əvvəllər gözləniləndən daha sürətli artımı tələb oluna bilər", - sənəddə deyilir.

Bəzi FED rəhbərləri faiz artımından qısa müddət sonra FED-in balansdakı aktivlərin həcmini azaltmağa başlamalı ola biləcəyinə də diqqət çəkib.

Seulda fəaliyyət göstərən VI Investment Corp.-un əmtəə analitiki Will Sungchil Yong, "İnvestorlar FED siyasətinin sürətlə sərtləşdirilməsi ərəfəsində riskli aktivlərdən, o cümlədən neftdən qaçırlar", - deyib. 

Qazaxıstanda kütləvi etirazlar hələ də ticarətçilərin diqqət mərkəzindədir. Rusiya, Ermənistan, Belarus, Qazaxıstan, Qırğızıstan və Tacikistanın daxil olduğu Kollektiv Təhlükəsizlik Müqaviləsi Təşkilatının (KTMT) Kollektiv Təhlükəsizlik Şurası Qazaxıstana sülhməramlı qüvvələrin göndərilməsi barədə qərar qəbul edib.

Əlaqə

Email : enanewsaz@gmail.com

Tel : +994 70 500 12 33