“Lexus” yeni nəsil yolsuzluq avtomobilini təqdim edib – FOTO

“Lexus” 2022-ci ilin əvvəlində bazara çıxacaq yeni nəsil “LX” yolsuzluq avtomobilini təqdim edib. Bildirilir ki, avtomobil canlı olaraq istehsalçı üçün ən vacib üç bazarda – Səudiyyə Ərəbistanı, Birləşmiş Ərəb Əmirlikləri (BƏƏ) və Rusiyada nümayiş etdirilib.

ENA.az xəbər verir ki, avtomobil 2021-ci ildə təqdim olunan “Toyota Land Cruiser 300” əsasında qurulub.  İnteryer rəqəmsal alətlər paneli və yeni 12.3 düymlük ekranlı multimedia sistemi ilə təchiz edilib.

Qeyd edildiyi kimi, “LX” 300 at gücündə 3.3 litrlik V6 turbodizel və 415 at gücündə 3.4 litrlik V6 benzin mühərriki alıb. Ayrıca yolsuzluq avtomobilin idman versiyası – “F Sport” da təqdim edilib. Avtomobillər yaxın bir neçə ayda satışa çıxacaq.