Vaksinasiya İsraildə COVID-19-a yoluxmaların sayını kəskin azaldıb

İsrailli tədqiqatçılar ölkədə həyata keçirilən kütləvi vaksinasiya strategiyasının effektiv olduğunu təsdiq ediblər.

“ENA” TASS-a istinadən xəbər verir ki, 2021-ci ilin fevral-mart aylarında ölkədə yaşlılar və gənclər arasında yeni yoluxma sayları kəskin şəkildə azalıb.

“Vaksinasiyanın başlamasından iki ay sonra yoluxmaların sayı 77 faiz, ağır COVID-19 hallarının sayı isə 67 faiz azalıb”, – tədqiqatçılar yazır.

İsrail dünyada kütləvi vaksinasiyaya ilk başlamış ölkələrdən biridir. Hazırda İsraildə 5,35 milyon nəfərə peyvəndin birinci, 4,97 milyon nəfərə isə hər iki dozası vurulub.