"Teleradio" İB-yə müvəqqəti baş direktor təyin edilib
Azərbaycan Nəqliyyat, Rabitə və Yüksək Texnologiyalar Nazirliyinin “Radio-Televiziya Yayımı və Peyk Rabitəsi” İstehsalat Birliyinin (“Teleradio” İB) baş direktor vəzifəsinin müvəqqəti icrası, qurumun texniki direktoru Mikayıl Abbasova həvalə edilib.
ENA.az xəbər verir ki, bu barədə nazirlikdən bildirilib.
Qeyd olunub ki, “Teleradio” İB-nin baş direktoru Əflatun Şərifov təqaüd yaşı çatdığına görə tutduğu vəzifədən öz ərizəsi ilə çıxıb.
Xatırladaq ki, Ə. Şərifov 1956-cı ildə Bakı şəhərində anadan olub. O, 1997-2005-ci illərdə “Teleradio”da müxtəlif vəzifələrdə işləyib.
Ə. Şərifov 2005-2021-ci illərdə “Teleradio” İB-də rəis müavini, baş direktorun müavini, baş direktorun vəzifəsini icra edən, baş direktor vəzifələrində fəaliyyət göstərib. (Apa)
