Çin bütün planet üçün pulsuz internet layihəsini təqdim edib
2026-ci ildə Çin şirkəti "LinkSure Network" siqnal paylanması üçün orbitə daha 270 peyk çıxaracaq. Şirkət, planetin pulsuz internet şəbəkəsinə giriş əldə edəcəyinə söz verir.
"BI" xəbər verir ki, LinkSure Network" şirkətinin rəhbərinin sözlərinə görə, layihəyə 3 milyard yuan (432 milyon dollar) investisiya yatırılacaq. Şirkət şəbəkəyə pulsuz giriş vəd edir. İstifadəçilərin pulsuz internetə qoşulmaları müqabilində reklam çarxlarına baxmaları lazım gələcək.
Hazırda Çin operatorunun xidmətlərindən regionda 900 mln. nəfər istifadə edir.
