Balans kapitalı 100 milyon manatdan çox olan 7 BANK
Azərbaycanda fəaliyyət göstərən 26 bankdan 7-nin bu il iyulun 1-nə balans kapitalı 100 milyon manatdan çox olub.
Bunlar "Azərbaycan Beynəlxalq Bankı" (1 milyard 456 milyon 977 min manat), "Kapital Bank" (508 milyon 550 min manat), "PAŞA Bank" (462 milyon 782 min manat), "Xalq Bank" (428 milyon 895 min manat), "Premium Bank" (185 milyon 692 min manat), "Express Bank" (121 milyon 286 min manat) və "Azərbaycan Sənaye Bankı"dır (102 milyon 191 min manat).
Qalan 19 bankdan 18-də balans kapitalı 10-100 milyon manat arasında, 1 bankda isə 10 milyon manatdan azdır.
8 bankın balans kapitalı azalıb
Azərbaycanda fəaliyyət göstərən 26 bankdan 8-nin bu il iyulun 1-nə balans kapitalı illik müqayisədə az olub.
Bunlar "Azərbaycan Beynəlxalq Bankı", "Express Bank", "Access Bank", "Bank of Baku", Pakistan Milli Bankının Bakı filialı, "Unibank", "Yelo Bank" və İran Milli Bankının Bakı filialıdır.
Ən çox azalma İran bankında (30,9%), ən az azalma isə "Azərbaycan Beynəlxalq Bankı"nda (0,9%) qeydə alınıb.
Qalan 18 bankın isə balans kapitalı artıb. Ən yüksək dinamika "Premium Bank"da (48,4%), ən aşağı dinamika isə "Yapı Kredi Bank Azərbaycan"da (0,8%) qeydə alınıb.
