"Tengiz" neft yatağının ərazisində 2 min 160 koronavirusa yoluxma qeydə alındı
Qazaxıstanın ən məşhur "Tengiz" neft yatağında üç ay ərzində 2,1 mindən çox koronavirusa yoluxma aşkar edilib. Səhiyyə naziri Aleksey Çoy, həkimlər üç ay ərzində 2160 koronavirus infeksiyası hadisəsini qeydə aldıqlarını söyləyib.
"Tengiz yatağındakı 36 düşərgədə infeksiya mənbələri qeydə alınıb", - deyib.
Bundan əvvəl, Atıray vilayətinin başçısı Maxambet Dosmukhambetov, ərazidə 2 min 074 COVID-19 yoluxma hadisəsinin aşkarlandığını bildirmişdi. O, koronavirusla əlaqəli vəziyyətin müəssisənin fəaliyyətinə təsir göstərməyəcəyini də qeyd etmişdi.
Tengizchevroil (TCO) Mətbuat xidmətindən verilən məlumata görə, şirkət COVID-19 səbəbiylə Tengiz yatağında bəzi iş növlərini müvəqqəti olaraq dayandırıb.
