OpenAI GPT-6 Sol və Luna modellərini təqdim edib
OpenAI GPT-6 ailəsinə daxil olan yeni Sol və Luna süni intellekt modellərini istifadəyə verib.
ENA.az xəbər verir ki, TechCrunch-ın məlumatına görə, yeni modellər bu ayın əvvəlində təqdim edilən GPT-6 Astra modelinin imkanları əsasında hazırlanıb. OpenAI bildirir ki, Sol və Luna əvvəlki nəsil modellərlə müqayisədə daha az səhv edir və kodlaşdırmada daha aşağı xəta göstəricisinə malikdir.
Şirkət həmçinin yeni modellərin daha səmərəli və əlçatan olduğunu açıqlayıb. GPT-6 Sol və Luna üçün API qiymətləri GPT-5.6 Sol və Luna ilə müqayisədə təxminən 50% aşağı salınıb.
GPT-6 Sol mürəkkəb kodlaşdırma və süni intellekt agentləri ilə işləmək üçün nəzərdə tutulub. Luna isə daha sürətli və genişmiqyaslı istifadə üçün optimallaşdırılıb. Hər iki model API vasitəsilə təqdim olunur.
