Dünyanın ən isti illəri - SİYAHI
Temperatur ölçmələrinə görə, son 10 il dünyada qeydə alınmış ən isti illər kimi qeydə alınıb. Qlobal istiləşmə nəticəsində yaranan iqlim dəyişikliyi səbəbindən dünyada orta temperatur yüksəlir. Bu vəziyyət də quraqlığın artmasına səbəb olur.
Avropa Orta Mənzilli Hava Proqnozları Mərkəzinin (ECMWF) Kopernik İqlim Dəyişiklikləri Xidmətinin məlumatına görə, tarixdə ən isti il 2024-cü ildir. 2024-cü ildə temperaturun orta səviyyədən 1,5 dərəcə yuxarı olduğu müşahidə edilib.
Ölçülən ikinci ən isti il 2023-cü il olsa da, son 10 ilin dünyanın ən isti illəri olduğu qeydə alınıb.
Copernicus Climate Change Service dataset ERA5 qlobal qiymətləndirmə məlumatlarına əsasən, ən isti illər aşağıdakı kimi sıralanıb:
| Sırası | Ən isti illər |
|---|---|
| 1. | 2024 |
| 2. | 2023 |
| 3. | 2016 |
| 4. | 2020 |
| 5. | 2019 |
| 6. | 2017 |
| 7. | 2015 |
| 8. | 2022 |
| 9. | 2021 |
| 10. | 2018 |
“Temperaturun artması su ehtiyatlarına ciddi təzyiq göstərir”
İstanbul Texniki Universiteti (İTU) İqlim Elmləri və Meteorologiya Mühəndisliyi Bölümü müəllimi Prof. Dr. Hüseyn Toros, son 10 ildə dünya istiliyinin ölçülməsi baxımından tarixin ən isti illərinin yaşandığını qeyd edən Toros, "Xüsusilə 2024-cü il qeyri-adi quru və dəniz səthi temperaturları ilə diqqət çəkir" - deyib
