Neft bazarında təklifin azalması gündəmdədir - QİYMƏT (06.11.2023)
Səudiyyə Ərəbistanı və Rusiya ilin sonuna qədər gündəlik 1 milyon barreldən çox olmayan neft tədarükü limitlərinə sadiq qalacaqlarını təsdiqlədikdən sonra neft yüksəldi.
ENA.az xəbər verir ki, Londonun ICE Futures birjasında bazar ertəsi saat 9:10-a Brent markalı neftin yanvar fyuçerslərinin qiyməti bir barel üçün 85,3 dollar təşkil edir ki, bu da əvvəlki sessiyanın yekunu ilə müqayisədə 0,41 dollar (0,48%) çoxdur.
Nyu-York əmtəə birjasında (NYMEX) elektron hərraclarda dekabr ayı üçün WTI markalı neftin fyuçerslərinin qiyməti bu dəfə 0,5 dollar (0,62%) bahalaşaraq 81,01 dollar/barelə çatıb.
Dow Jones-un məlumatına görə, ötən həftə Brent 4,8%, WTI 5,9% ucuzlaşıb.
Münaqişənin regiona yayılma ehtimalı hələ də olsa da, zəifləyən qlobal iqtisadi baxış indi qiymətlərin əsas hərəkətverici qüvvəsinə çevrilib. ABŞ-da ehtiyatlar artsa da, keçən ay Çin istehsalında gözlənilməz daralma dünyanın ən böyük neft idxalçısının bərpası ilə bağlı suallar doğurdu.
