Neft bahalaşmaqda davam edir - 18.09.2023
Qlobal etalon Brent, 11 faiz artma ilə üç həftəlik bahalaşmadan sonra bir barel üçün 94 dolları ötüb.
Londonda xam neft ilin əvvəlindən OPEC+ hasilatı məhdudlaşdırdığından və tələbin proqnozu yaxşılaşdığından demək olar ki, 10 faiz artıb. Çindəki neft emalı zavodları tam gücə çatdığından ABŞ potensial olaraq tənəzzüldən qaçır. Bu mühitdə xam neft ehtiyatları azalarkən, möhtəkirlər Brent və ABŞ xam nefti üçün xalis artım proqnozlarını son 15 ayın ən yüksək səviyyəsinə qaldırdılar.
London birjasında Bakı vaxtilə saat 10:30-da Brent markalı neftin qiyməti 94,84 dollar təşkil edir.
FED də daxil olmaqla mərkəzi bankların faiz dərəcələrini yüksəltməklə qiymət artımının sürətini yavaşlatmağa çalışsa da neftin yüksəlişi bütün dünyada inflyasiya təzyiqlərini artıracaq. Digərləri arasında Fed və İngiltərə Bankının qəbul edəcəyi qərarlarla pul siyasəti üçün əhəmiyyətli bir həftə olacaq.
Vanda Insights konsaltinq şirkətinin qurucusu Vandana Hari deyib: "Diqqət çox güman ki, bu həftə keçiriləcək FED iclasına yönələcək, lakin artan tədarük sıxlığı və azalan inventar, çox güman ki, yüksəliş əhval-ruhiyyəsini dəstəkləməyə davam edəcək", - deyib.
