Wall Street-in 11 şirkətinə 289 milyon dollar cərimə kəsildi
ABŞ Qiymətli Kağızlar və Birja Komissiyası (SEC) 11 Wall Street şirkətini “elektron mesajların qeydlərini aparmadıqlarına” görə 289 milyon dollar cərimələyib.
ENA.az xəbər verir ki, SEC-in bəyanatına görə, 11 Wall Street şirkətinə qarşı "firmaların və onların işçilərinin elektron kommunikasiyaların saxlanmasında uzun müddət davam edən uğursuzluqlara görə" ittihamlar irəli sürülüb.
Şirkətlərin federal qiymətli kağızlar qanunlarının qeyd etmə müddəalarını pozduqları ilə bağlı SEC ittihamını qəbul etdikləri ifadə edilən şərhdə, şirkətlərin cəmi 289 milyon dollar cəza ödəyəcəkləri ifadə edildi.
Açıqlamada Wells Fargo Securities-in Wells Fargo Clearing Services və Wells Fargo Advisors Financial Network ilə birlikdə 125 milyon dollar, BNP Paribas Securities və SG Americas Securities-in isə hər biri 35 milyon dollar məbləğində cərimə ödəməyə razı olduğu bildirilib.
Bu kontekstdə, cəzanı ödəməyə razı olan digər Wall Street şirkətləri BMO Capital Markets, Mizuho Securities USA, Houlihan Lokey Capital, Moelis & Company, Wedbush Securities və SMBC Nikko Securities America da siyahıya alındı.
