Qarabağda maliyyə infrastrukturunun qurulması ilə bağlı komissiya yaradılıb
“Azərbaycan Banklar Assosiasiyası” (ABA) İctimai Birliyi işğaldan azad edilmiş ərazilərdə maliyyə əlçatanlığının təmin edilməsi, maliyyə infrastrukturunun qurulması üçün Azərbaycan Mərkəzi Bankı (AMB) ilə birlikdə komissiya yaradıb.
Bunu ABA-nın prezidenti Zakir Nuriyev bildirib.
“Komissiya mütəmadi olaraq cari vəziyyəti müzakirə edir. Bu sahədə yol xəritəsi hazırlanıb və buna uyğun olaraq həm maliyyə infrastrukturunun qurulması, həm də bankların burda aktiv fəaliyyəti üzrə addımlar atılır”, – o qeyd edib.
