Heydər Əliyev prospektinin bir hissəsində hərəkət qismən məhdudlaşdırılacaq
Bakının Heydər Əliyev prospektinin 17,4-cü kilometrlik hissəsində, şəhər istiqamətində bu axşam saat 22:00-dan səhər saat 05:00-dək "P" tipli istiqamətverici lövhələrin quraşdırılması işləri aparılacaq.
Bu barədə Azərbaycan Avtomobil Yolları Dövlət Agentliyi məlumat yayıb.
Bildirilir ki, qeyd olunan vaxt ərzində işlərin aparıldığı zolaqlar üzrə avtonəqliyyat vasitələrinin hərəkəti hissə-hissə qismən məhdudlaşdırılaraq digər zolaqlara yönəldiləcək.
