Azərbaycanda işəgötürənlər üçün yeni vəzifə müəyyənləşdirilir
Azərbaycanda işəgötürənlər üçün yeni vəzifə müəyyənləşdirilir.
Bu, Milli Məclisin bu gün keçirilən plenar iclasında III oxunuşda müzakirəyə çıxarılan Əmək Məcəlləsinə dəyişiklik layihəsində əksini tapıb.
Qüvvədə olan qanuna görə, əmək şəraitindən asılı olmayaraq işəgötürən müvafiq normativ hüquqi aktla müəyyən edilmiş qaydada iş yerlərinin attestasiyasının keçirilməsini təmin etməlidir.
Dəyişikliklə isə artıq işəgötürən həm də attestasiyanın aparılması nəticələrinə dair sənədlərin surətinin 10 iş günü müddətində məlumat üçün müvafiq icra hakimiyyəti orqanının müəyyən etdiyi orqana (quruma) təqdim olunmasını təmin etməlidir.
Dəyişiklik layihəsi səsverməyə çıxarılaraq III oxunuşda qəbul edilib.
