Qızılın qiyməti niyə düşür? Proqnoz nədir?
Qızıl həftənin əvvəlindən başlayan ucuzlaşmanı davam etdirir. ENA.az xəbər verir ki, mərkəzi banklar tərəfindən siyasətlərin daha da sərtləşdirilmə və təhlükəsiz aktivlərə tələbin azalması ucuzlaşmanın səbəbləridir.
Qiymətli metal qiymətləri dəstəkləmək üçün yeni katalizatorların olmaması fonunda may ayında demək olar ki, rekord həddən aşağı düşdü və 1,940-1,980 dollar aralığında dar diapazonda satıldı.
Spot qızılın unsiyası 1952 dollara satılır. Qızıl son həftələrdə ABŞ-da bank böhranının yayılması ilə bağlı narahatlıqların azalması və ABŞ ilə Çin arasında münasibətlərin yumşalması əlamətləri ilə dəyərini itirir.
Bəzi ekspertlər risklərin tamamilə bitmədiyini iddia edirlər. Faizlər yüksək qalsa belə, VanEck strateqi Joe Foster hesab edir ki, ABŞ-da mümkün tənəzzül və artan geosiyasi gərginlik tezliklə vəziyyəti dəyişə bilər. Strateq çərşənbə axşamı verdiyi açıqlamada mərkəzi bankların ehtiyatlarını artırması və qiymətləri dəstəkləməsi nəticəsində qiymətli metalın 2075 dollara qədər yüksələ biləcəyini bildirib.
