Çinin BYD şirkəti Avropada avtomobil istehsalına başlamağa hazırlaşır

BYD avtomobil zavodu açmaq üçün Fransa, Almaniya və İspaniyada ərazilər seçir.

Çin avtomobil istehsalçısı BYD bir sıra Avropa ölkələrində istehsalın açılması üçün texniki-iqtisadi əsaslandırmalar hazırlayır. Bu barədə Automotive News Europe məlumat yayıb.

Məlumata görə, BYD avtomobil istehsalı üçün üç Avropa ölkəsini nəzərdən keçirir, o cümlədən bu barədə Fransa hökuməti ilə danışıqlar aparır. Almaniya və İspaniya zavod üçün alternativ yerlər hesab edilir.

Çin şirkəti ilin sonuna qədər zavod üçün yer seçməyə hazırlaşır və 2025-ci ildə avtomobil istehsalına başlamağı planlaşdırır.