Neft ucuzlaşır: bugünə olan qiymət
Bugün səhər ticarətində neft kotirovkaları mülayim şəkildə azalır, bazar OPEC+ görüşünün nəticələrini gözləyir.
Londonun ICE Futures birjasında çərşənbə günü saat 9:16-a olan Brent markalı neftin oktyabr fyuçerslərinin dəyəri bir barel üçün 110,2 dollar təşkil edir ki, bu da əvvəlki sessiyanın bağlanış qiymətindən 0,34 dollar (0,34%) aşağıdır.
Nyu-York əmtəə birjasının (NYMEX) elektron ticarətində sentyabr ayı üçün WTI neftinin fyuçerslərinin qiyməti bu vaxta kimi bir barel üçün 94,12 dollar təşkil edir ki, bu da əvvəlki sessiyanın yekun dəyərindən 0,30 dollar (0,32%) azdır.
ANZ Research-in araşdırma qeydində deyilir: "İqtisadi qeyri-müəyyənlik və tələb tərəfində zəiflik əlamətləri fonunda istehsalın artımını elan edəcəkləri ehtimalı aşağı olaraq qalır".
Bazar iştirakçıları Amerika Neft İnstitutunun (API) məlumatlarına da reaksiya verirlər ki, bu da ABŞ-ın neft ehtiyatlarının keçən həftə 2,2 milyon barel artdığını göstərir, baxmayaraq ki, analitiklər 600 min barel azalma gözləyirdilər. ABŞ Energetika Nazirliyinin rəsmi hesabatı çərşənbə günü ictimaiyyətə açıqlanacaq.
