Bank müştərilərinin sayı 5,7% artıb: əsas artım hansı hesablardadır?
Azərbaycan Mərkəzi Bankı 2022-ci ilin birinci yarısında bank müştərilərinin, eləcə də dövriyyədə olan ödəniş kartlarının sayının artdığını qeyd edir.
Beləki, 30 iyun 2022-ci il tarixinə bank müştərilərinin ümumi sayı 12 milyon 871,984 min nəfər təşkil edir, bu 2021-ci ilin sonu ilə müqayisədə 5,7% artım deməkdir. Bununla yanaşı, bu ilin ikinci rübündə bank müştərilərinin sayı 0,4% artıb. 30 iyun 2022-ci il tarixinə fiziki şəxslər arasında bank müştərilərinin sayı 12 milyon 739,705 min nəfərdir, yəni ilin birinci yarısında 5,6%, ikinci rübdə 0,3% artım olub.
Bankların müştəriləri olan fiziki şəxslərdən 573,566 min nəfəri fərdi sahibkarlardır, onların sayı ilin birinci yarısında 13,6%, ikinci rübdə isə 6,7% artıb. Bankların müştəriləri olan hüquqi şəxslərin sayı 132,279 min nəfərdir, onların sayıı ilin birinci yarısında 8,6%, ikinci rübdə isə 6,6% artıb.
İyunun 30-na banklarda müştəri hesablarının sayı 29 milyon 61,31 mindir, ilin birinci yarısında 9,3%, ikinci rübdə isə 3,4% artım olub. Bunlardan 23 milyon 794,696 mini cari hesablardır, ilin birinci yarısında 8%, ikinci rübdə 2,4% artım olub. Kredit hesabları 4 milyon 992,22 mindir, ikinci rübdə - 8,3% artım olub.
Depozit hesabları - 274,394 mindir, ilin birinci yarısında artım 6,8%, ikinci rübdə - 3,6%-dir. Ümumilikdə, iyunun 30-na fiziki şəxslər tərəfindən 23 milyon 512,121 min, hüquqi şəxslər tərəfindən 282,575 min cari hesab açılıb.
Azərbaycan Mərkəzi Bankının məlumatına görə, 30 iyun 2022-ci il tarixinə Azərbaycanda ödəniş kartlarının sayı 12,244 milyon ədəd təşkil edir ki, bu da 2021-ci ilin sonuna olan göstəricidən 10,9% çoxdur. Bununla yanaşı, ikinci rübdə dövriyyədə olan ödəniş kartlarının sayı 473 min ədəd və ya 4% artıb. Sosial kartların sayı 3,448 milyon ədəddir. Əmək haqqı kartları 2,669 milyon ədəd təşkil edib, ilin birinci yarısında artım 3%, ikinci rübdə - 1,7%-dir.
Kredit kartları - 1,551 milyondur və yarımillik artım 11,2%-dir. İlin birinci yarısında ödəniş kartları vasitəsilə 25,493 milyard manat (ikinci rübdə - 13,779 milyard manat) məbləğində 274,2 min əməliyyat (ikinci rübdə - 148,68 min əməliyyat) aparılıb. Eyni zamanda, yanvar-iyun aylarında ödəniş kartları vasitəsilə nağdsız formada elektron ticarət çərçivəsində 7,347 milyard manatlıq 105 095 əməliyyat həyata keçirilib.
