Neft qiymətləri dünənki sıçrayışdan sonra sabitləşdi: qaz isə bahalaşmaqda davam edir
Bugün neft qiymətləri Avropada enerji böhranı fonunda əvvəlki sessiyada davamlı yüksəlişdən sonra stabilləşib.
Regionda qazın qiyməti min kubmetr üçün 2000 dollar səviyyəsini ötüb və ekspertlər qeyd edirlər ki, belə şəraitdə elektrik enerjisi istehsalı üçün neft məhsullarına tələbat artacaq.
Neft bazarı çərşənbə günü Amerika Neft İnstitutunun (API) məlumatları ilə də dəstəklənib və ötən həftə ABŞ-ın xam neft ehtiyatlarında azalma müşahidə edilib. API-nin məlumatına görə, ABŞ-da neft ehtiyatları 3,67 milyon barel azalıb. Azalma, rəsmi məlumatlarla təsdiqlənərsə, dördüncü həftə ardıcıl olaraq qeyd olunacaq.
ABŞ Energetika Nazirliyi dekabrın 22-də saat 19:30-da ölkədəki enerji ehtiyatları ilə bağlı həftəlik hesabat açıqlayacaq.
Londonun ICE Futures birjasında bugün saat 9:15-ə olan Brent markalı neftin fevral fyuçerslərinin dəyəri bir barel üçün 73,95 dollar təşkil edir ki, bu da əvvəlki sessiyanın bağlanışındakı qiymətdən 0,03 dollar (0,04%) aşağıdır.
Nyu-York əmtəə birjasında (NYMEX) elektron hərraclarda fevral ayı üçün WTI markalı xam neftin fyuçerslərinin qiyməti bu vaxta kimi bir barel üçün 71,21 dollar təşkil edir ki, bu da əvvəlki sessiyanın yekun dəyərindən 0,09 dollar (0,13%) çoxdur.
