Dünya Bankı Azərbaycanın "diaqnozu"nu yenilədi: inkişaf göstəricilərimizi artırdı
Dünya Bankı, 2021-ci ildə Azərbaycanın iqtisadi artımına dair proqnozunu iyun ayında proqnozlaşdırdığı 2,8% -dən 5%-ə qədər artırdı.
"Həm neft, həm də qeyri-neft sektorunda sürətli canlanma səbəbindən Azərbaycanın ÜDM artımının 2021-ci ildə 5%-ə yüksələcəyi gözlənilir",-bankın çərşənbə günü açıqladığı Avropa və Mərkəzi Asiya bölgəsi iqtisadiyyatına dair hesabatında göstərilir.
Bankın hesablamalarına görə, xidmət sektorunda, aqrar sənaye kompleksində və qeyri-neft sənayesində aktiv canlanma fonunda 2021-ci ildə qeyri-neft sektorunun artımı 7,1% təşkil edəcək.
Eyni zamanda, bank 2022-ci il üçün proqnozunu 4,5% -dən 3,1% -ə, 2023-cü il üçün 3,4%-dən 2,7%-ə endirdi.
2022-2023-cü illərdə ÜDM-in orta illik artım tempi 2.9%-ə qədər yavaşlayacaq. Bu dövrdə artım, artan dövlət investisiyaları və qeyri-enerji sektorları ilə dəstəklənəcəkdir. Hesabatda vurğulanır ki, artım templərinə Azərbaycanın OPEC + razılaşması çərçivəsində kvotasının artması və qaz hasilatının artması da təsir edəcək.
