Kredit portfeli 1 milyard manatdan çox olan 4 BANK
Mayın 12-nə qədər Azərbaycanda fəaliyyət göstərən 28 bankdan 4-nün bu il aprelin 1-nə kredit portfeli 1 milyard manatdan çox olub.
Bunlar "Azərbaycan Beynəlxalq Bankı" (2 milyard 197 milyon 870 min manat), "PAŞA Bank" (1 milyard 793 milyon 643 min manat), "Kapital Bank" (1 milyard 735 milyon 370 min manat) və "Xalq Bank"dır (1 milyard 632 milyon 647 min manat).
Kredit portfelin məbləği 20 bankda 100 milyon manatdan 1 milyard manata qədər, 2 bankda 10-100 milyon manat arasında, 2 bankda isə 10 milyon manatdan azdır.
3 bankın kredit portfeli azalıb
Mayın 12-nə qədər Azərbaycanda fəaliyyət göstərən 28 bankdan 3-nün bu il aprelin 1-nə kredit portfeli illik müqayisədə az olub.
Bunlar "Premium Bank", "Bank VTB Azərbaycan" və "Pakistan Milli Bankının Bakı filialıdır.
Azalma müvafiq olaraq 3,2%, 8% və 24,1% təşkil edib.
Qalan 25 bankın isə kredit portfeli artıb. Ən yüksək dinamika "AFB Bank"da (2,4 dəfə), ən aşağı dinamika isə "AGBank"da (0,7%) qeydə alınıb.
