Tramp, koronavirusun Çindəki laboratoriyadan çıxdığına dair dəlil gördüyünü açıqladı
ABŞ Prezidenti Donald Tramp, yeni növ koronavirusun (Covid-19) Çinin Vuhan şəhərindəki bir laboratoriyadan çıxdığına dair dəlilləri gördüyünü ancaq bu anda detalları açıqlaya bilməyəcəyini deyib.
ENA.az xəbər verir ki, Tramp, Ağ Evdə jurnalistlərin suallarını cavablandırıb.
Covid-19-un Vuhandakı bir laboratoriyadan çıxmış olduğu iddialarına dair Tramp, "Vuhan Viroloji İnstitutunun virusun qaynağı olduğuna dair sizə yüksək dərəcədə əsas verən bir dəlil gördünüzmü?" şəklindəki suala, "Bəli gördüm" deyə cavab verib.
Tramp, "Çin bunu qəsdən ya da səhvən etmiş olursa olsun, araşdırmaçılarımız bu mövzuda işləyir. Sizə bu anda daha çoxunu söyləyə bilməyəcəm" deyib.
ABŞ KƏŞFİYYATI COVİD-19-UN İNSAN İSTEHSALI OLMADIĞI NƏTİCƏSİNƏ GƏLMİŞDİ
Covid-19-a dair "insan istehsalı olduğu" şəkilində bir çox iddia gündəmə gəlmiş və ABŞ kəşfiyyatının bu iddiaları araşdırdığı bildirilmişdi.
ABŞ Milli Kəşfiyyat Xidməti (DNI) dünən yaydığı açıqlamasında, "Kəşfiyyat Covid-19 virusunun insan istehsalı və ya genetik olaraq dəyişdirilmədiyinə dair elmi məlumatlarla həmfikirdir" ifadəsinə yer vermişdi.
Açıqlamada, "epidemiyanın qaynağının heyvanlarla təmas ya da bir Çin laboratoriyasında qəza nəticəsində ortaya çıxıb-çıxmadığının isə araşdırıldığı" qeyd edilmişdi.
