Dövlət qurumlarında iclaslar telefon rabitəsi ilə keçiriləcək
Azərbaycanda mərkəzi və yerli icra hakimiyyəti orqanları və dövlət qurumlarında iclasların, müşavirə və toplantıların yalnız telefon rabitəsi (selektor), mobil və internet vasitəsilə keçirməsinə üstünlük veriləcək.
ENA.az xəbər verir ki, bununla bağlı Baş Nazir Əli Əsədovun mərkəzi və yerli icra hakimiyyəti orqanlarının və dövlət qurumlarının rəhbərlərinə göndərdiyi məktubda deyilir.
Qeyd edək ki, məktubda dövlət qurumlarının rəhbərlərinə koronavirus (COVID-19) infeksiyasına qarşı mübarizənin təşkil edilməsini təmin etmək və icrasına ciddi nəzarət edilməsi ilə bağlı tapşırıqlar yer alıb.
