Çində koronovirusdan ölənlərin sayı durmadan artır
Son 24 saatda 73 nəfər ölüb, 3 mindən çox xəstə müəyyən edilib
Çində hər ötən gün təsirini artıran yeni növ koronavirus (2019-nCoV) epidemiyasında ölənlərin sayı 637-yə, virusa yoluxanların sayı isə 31 min 161-ə çatıb.
"ENA" xəbər verir ki, Milli Səhiyyə Komissiyasından (NHC) verilən açıqlamaya görə, ölkə daxilində 2019-nCoV epidemiyasında ölənlərin sayı 637-yə, virus diaqnozu qoyulanların sayı 4 min 821-inin vəziyyəti ağır olmaqla 31 min 161-ə, virus daşıdığından şübhələnilənlərin sayı 26 min 359-a, müşahidə altına alınanların sayı isə 186 min 45-ə çatıb.
Müalicəsindən sonra xəstəxanadan buraxılan xəstələrin sayı da 1540-dır.
Son 24 saatda 73 nəfər ölüb və 3 min 143 nəfər yeni xəstə aşkar edilib.
