Şirkətlərin dövlət reyestrinin aparılması qaydaları dəyişdi: Bu məlumatlarda qeyd ediləcək!
“Hüquqi şəxslərin dövlət reyestrinin aparılması, istifadəsi və mühafizəsi Qaydaları”nın, habelə hüquqi şəxslərin dövlət qeydiyyatı və dövlət reyestrinin aparılması ilə bağlı sənədlərin təsdiq edilməsi haqqında” Nazirlər Kabinetinin (NK) 2005-ci il 13 aprel tarixli qərarında dəyişiklik edilib.
ENA.az xəbər verir ki, sənədi Baş nazir Əli Əsədov imzalayıb.
Həmin qərarda aşağıdakı dəyişikliklər edilməsi bildirilir:
lması, istifadəsi və mühafizəsi Qaydaları”nda aşağıdakı dəyişikliklər
edilsin:
1.1. 2.3.1-ci yarımbəndə “yenidən təşkili,” sözlərindən sonra “məhkəmənin yekun qərarı ilə cinayət-hüquqi tədbir qismində hüquqi şəxsin müəyyən fəaliyyətlə məşğul olma hüququndan məhrum edilməsi,” sözləri əlavə edilsin;
(2. Dövlət reyestrinin əsas prinsipləri)
1.2. aşağıdakı məzmunda 3.1.8-1-ci və 3.1.10-1-ci yarımbəndlər əlavə edilsin:
“3.1.8-1. qurum barəsində müəyyən fəaliyyətlə məşğul olma hüququndan məhrum etmə növündə cinayət-hüquqi tədbirin tətbiq edilməsi haqqında məhkəmənin yekun qərarına dair məlumat;
3.1.10-1. hüquqi şəxsin yenidən təşkil edilməsinin, yaxud ləğv olunmasının qadağan edilməsi, habelə hüquqi şəxsi müəyyən fəaliyyətlə məşğul olma hüququndan məhrum etmə növündə cinayət-hüquqi tədbirlərin tətbiq edilməsi ilə bağlı məlumatlar;”;
1.3. 4.10-cu bəndə “L) ləğv edilməsi;” yarımbəndindən sonra “CM) qurum barəsində müəyyən fəaliyyətlə məşğul olma hüququndan məhrum etmə növündə cinayət-hüquqi tədbirin tətbiq edilməsi haqqında məhkəmənin yekun qərarına dair məlumat; CQ) hüquqi şəxsin yenidən təşkil edilməsinin, yaxud ləğv olunmasının qadağan edilməsi, habelə hüquqi şəxsi müəyyən fəaliyyətlə məşğul olma hüququndan məhrum etmə növündə cinayət-hüquqi tədbirlərin tətbiq edilməsi ilə bağlı məlumatlar;” yarımbəndi əlavə edilsin.
- Həmin Qərarla təsdiq edilmiş “Xarici qeyri-kommersiya hüquqi şəxslərinin filial və nümayəndəliklərinin dövlət reyestr kitabı”nın və “Qeyrikommersiya hüquqi şəxslərinin dövlət reyestr kitabı”nın I hissələrinin 2-ci sütunlarında “LP” yarımbəndindən sonra aşağıdakı məzmunda yarımbəndlər əlavə edilsin:
“CM) qurum barəsində müəyyən fəaliyyətlə məşğul olma hüququndan məhrum etmə növündə cinayət-hüquqi tədbirin tətbiq edilməsi haqqında məhkəmənin yekun qərarına dair məlumat
- CQ) hüquqi şəxsin yenidən təşkil edilməsinin, yaxud ləğv olunmasının qadağan edilməsi, habelə hüquqi şəxsi müəyyən fəaliyyətlə məşğul olma hüququndan məhrum etmə növündə cinayət-hüquqi tədbirlərin tətbiq edilməsi ilə bağlı məlumatlar”
