"Yaxın bir il ərzində Azərbaycanda unun zənginləşdirilməsi ilə bağlı qanun qəbul ediləcək"
"Azərbaycanda anemiya və buna bənzər xəstəliklərin aradan qaldırılması üçün əhaliyə təsir edə biləcək qanunvericiliyin qəbul edilməsi zəruridir".
ENA.az xəbər verir ki, bunu Milli Məclisin Səhiyyə Komitəsinin sədr müavini Musa Quliyev unun effektiv zənginləşdirilməsi üçün potensialın artırılması üzrə keçirilən regional seminarda çıxışı zamanı deyib.
- Eləcə də bax: AQTA sədrindən anemiya ilə bağlı - HƏYƏCAN TƏBİLİ
O qeyd edib ki, anemiya və digər mikro elementlərin çatışmazlığı artıq dünyanın bir çox ölkələrinin problemidir: "Düşünürəm ki, UNİSEF-lə birgə ölkədə unun zənginləşdirilməsilə bağlı qanun qəbul ediləcək. Milli Məclisin payız sessiyasında Səhiyyə Komitəsində bu məsələ ilə bağlı dinləmə edəcəyik. Yaxın bir il ərzində Azərbaycanda belə bir qanun qəbul ediləcək".
