Bakıdan Tbilisə əlavə sürət qatarı təyin edildi
Avroliqanın finalından sonra azarkeşlərin Bakıdan Tbilisiyə daşınması üçün əlavə sürət qatarı təyin edilib.
Mayın 29-da Bakıda keçiriləcək UEFA Avropa Liqasının final oyunundan sonra azarkeşlərin Bakıdan Tbilisiyə daşınması məqsədilə mayın 30-da hərəkətdə olacaq 38/37 nömrəli Bakı-Tbilisi-Bakı sürət qatarından başqa, əlavə 48 nömrəli Bakı-Tbilisi sürət qatarı da təyin edilib.
Qatar Bakıdan mayın 30-u saat 8:00-da Tbilisiyə yola düşəcək.
Həmin qatara biletlər dəmir yolunun bilet kassalarında və onlayn qaydada əldə oluna bilər.
Bu barədə “Azərbaycan Dəmir Yolları” QSC məlumat yayıb.
