"Rabitəbank"ın "dəyişmək planı"nın ilkin versiyası bəlli oldu
"Rabitəbank" ASC rebrendinq planını təxirə salıb, buna baxmayaraq dəyişmək planı baş tutacaq.
ENA.az xəbər verir ki, bankın baş direktoru Ziya Nuriyevin sözlərinə görə, "restyle" yeniliklər baş verəcək.
Loqo tam dəyişəcək, eyni rənglərlə asossasiya olunacaq, yəni indiki göy rəng çalarlarından imtina ediləcək. "Bu ilin sentyabrında bu elan ediləcək və filialların tam olaraq yeni konsepsiyaya uyğun dizaynına başlanacaq. Həmin vaxt mobil bankinqin də istifadəyə verilməsini planlaşdırmışıq. Düşünürük ki, bizim mobil tətbiqimiz Azərbaycanda TOP-3-də olacaq", - deyən Ziya Nuriyev rəqəmsallaşma ilə bağlı bankda bir neçə layihənin icra edildiyini bildirdi
