Depozit hərracında tələb 1 milyard manata yaxınlaşdı

28.12.2020-ci il tarixində Mərkəzi Bank tərəfindən 14 gün müddətinə vəsaitlərin cəlb edilməsi üzrə keçirilmiş depozit hərracında tələb 915,4 milyon manat təşkil edib.

!@#

Mərkəzi Bankın yaydığı məlumata görə, hərracın nəticəsində cəlb edilmiş vəsaitlərin həcmi 200  milyon manat, bağlanılmış depozit əqdləri üzrə orta ölçülmüş faiz dərəcəsi isə 5,76% təşkil etmişdir.

Beləliklə, hərracda tələb təklifi 5 dəfəyə yaxın üstələyib.

21.12.2020-ci il tarixində Mərkəzi Bank tərəfindən 15 gün müddətinə vəsaitlərin cəlb edilməsi üzrə keçirilmiş depozit hərracında tələb 581,7 milyon manat təşkil etmişdi.