"Ata Sığorta"ya qoyulan qadağa ləğv edilib
Bir müddət öncə Maliyyə Bazarlarına Nəzarət Palatası (MBNP) "Ata Sığorta" şirkətinin avtomobillərin icbari sığortası üzrə fəaliyyətini məhdudlaşdırdığı barədə qərarın aradan qaldırıb. Bu barədə"Ata Sığorta" şirkətinin İdarə Heyətinin sədrinin müavini Orxan Məmmədov bildirib.
Onun sözlərinə görə, bu gündən etibarən şirkət artıq avtomobillərin icbari sığortası üzrə fəaliyyətini tam gücü ilə həyata keçirir.
Xatırladaq ki, bir müddət öncə MBNP "Ata Sığorta" və "Atəşgah Sığorta" şirkətlərinin avtomobillərin icbari sığortası üzrə fəaliyyətini məhdudlaşdırmışdı.
Ötən gün bu qadağa "Atəşgah Sığorta"dan bu gün isə "Ata Sığorta" şirkətinin üzərindən götürülüb.
