Azərbaycana Gürcüstandan avtomobil idxalı kəskin artıb
Bu ilin yanvar-fevral aylarında Azərbaycan Gürcüstandan 2 175 ədəd avtomobil alıb.
Bu barədə Gürcüstanın Milli Statistika İdarəsinin hesabatında bildirilib.
İdxal olunan avtomobillərin ümumi dəyəri 19 milyon 797 min dollar təşkil edib.
Ötən ilin analoji dövrü ilə müqayisədə Azərbaycanın Gürcüstandan idxal etdiyi avtomobillərin sayı 1 299 ədəd və ya 2,4 dəfə çoxdur.
2018-ci ilin yanvar-fevral aylarında Azərbaycana qonşu ölkədən ümumi dəyəri 16 milyon 116 min dollar olan 876 ədəd avtomobil idxal edilmişdi.
