Kompensasiyaların ödənilməsilə bağlı mexanizm hazırlandı - Banklar müzakirəyə dəvət olundu
Maliyyə Bazarlarına Nəzarət Palatası problemli kreditlərinin həlli ilə bağlı qaydaları hazırlayıb.
"BI"nin əldə etdiyi məlumata görə, “Azərbaycan Respublikasında fiziki şəxslərin problemli kreditlərinin həlli ilə bağlı əlavə tədbirlər haqqında” Azərbaycan Respublikası Prezidentinin 28 fevral 2019-cu il tarixli Fərmanının icrası məqsədilə hazırlanmış qaydaların layihəsinin müzakirəsi 11 mart 2019-cu il, saat 15:00-da Maliyyə Bazarlarına Nəzarət Palatasının inzibati binasında baş tutacaq. Banklar müzakirəyə dəvət olunublar.
Qeyd edək ki, Fərmanda dollar kreditləri üzrə kompensasiyaların ödənilməsi ilə bağlı mexanizmin (qaydaların) 15 gün ərzində, kompensasiya ödəniləcək şəxslərin siyahısının isə 45 gün müddətində Maliyyə Bazarlarına Nəzarət Palatası, Mərkəzi Bank və banklar tərəfindən birlikdə hazırlanacağı qeyd olunub
