“Putinlə Əliyev arasında ayrıca söhbət planlaşdırılmır” - Kreml
“Moskva Azərbaycanla əlaqələrin pozulmasından təəssüflənir və münasibətlərin daha da inkişafında maraqlıdır”.
Məlumata görə, bunu Rusiya prezidentinin mətbuat katibi Dmitri Peskov bildirib.
“Biz qəbul edilmiş qərarlara görə təəssüflənirik. Kreml nümayəndələrinin fikrincə, hüquq-mühafizə orqanlarının hərəkətləri ilə bağlı məsələlər belə genişmiqyaslı məhdudiyyətlərə səbəb olmamalıdır”, - Kreml rəsmisi əlavə edib.
Peskovun sözlərinə görə, hazırda bu məsələ ilə bağlı prezidentlər - Vladimir Putinlə İlham Əliyev arasında ayrıca söhbət planlaşdırılmır: “Rusiya tərəfi Azərbaycanla əməkdaşlığı davam etdirməkdə maraqlıdır”.
