Mərkəzi bankların qızıla olan iştahı artıb
Goldman Sachs analitiklərinin hesablamalarına görə, dünyadakı mərkəzi banklar ayda təxminən 80 ton qızıl toplayır.
Bu məbləğ indiki qiymətlərlə təxminən 8,5 milyard dollar dəyərindədir. Satınalmaların əksəriyyəti açıq olmasa da, xarici ticarət məlumatları göstərir ki, Çin, xüsusən də naməlum alıcılarla İsveçrə vasitəsilə qızıl alır.
Dünya Qızıl Şurasının məlumatına görə, mərkəzi banklar və suveren fondlar birlikdə ildə 1000 ton qızıl alırlar ki, bu da illik qızıl hasilatının ən azı dörddə birini təşkil edir. HSBC-nin yanvar ayında 72 mərkəzi bank arasında apardığı sorğu nəticəsində məlum olub ki, bankların üçdə birindən çoxu 2025-ci ildə daha çox qızıl almağı planlaşdırır və qızıl satmağı planlaşdırmır.
İl sonu qızıl proqnozunu unsiya üçün 3,700 dollar səviyyəsində saxlayan Goldman, proqnozuna səbəb kimi “davamlı alışlara inamı” göstərdi. Aprel ayında zirvəyə qalxaraq 3500 dollara çatan qızılın unsiyası bu səhər 0,2 faiz artaraq 3360 dollara çatıb, qiymətli metal isə bu il spot bazarda 25 faizdən çox dəyər qazanıb.
