Pakistanın aparıcı müəssisəsi Azərbaycan bazarına daxil oldu
Pakistanın aparıcı mühəndislik müəssisəsi “Descon” Körfəz ölkələri ilə bərabər Azərbaycanda da biznes fəaliyyətinə başlayır.
Məlumata görə, “Descon” Bakıda “Descon Engineering Azerbaijan” MMC adlı şirkət təsis edib.
Şirkətin Azərbaycandakı direktoru Kamran Riaz Muhammaddir. O, şirkətin baş ofisində Maliyyə departamentinin direktorudur.
“Descon” Pakistanın aparıcı mühəndislik müəssisəsi olan “Descon Engineering”dən ibarətdir. Şirkət neft və qaz, sement, enerji, su elektrik enerjisi, bəndlər/kanal sistemləri, gübrə, bərpa olunan enerji, şəkər, sənaye, kimya və neft-kimya sektorlarında fəaliyyətdə olub. Şirkətin baş ofisi Birləşmiş Ərəb Əmirliyinin paytaxtı Əbu-Dabi şəhərində yerləşir.
Şirkətin qlobal fəaliyyəti Körfəz Əməkdaşlıq Şurası ölkələri – Səudiyyə Ərəbistanı, BƏƏ, Küveyt, Qətər, Oman daxil olmaqla, İraq, Pakistan və Cənubi Afrikaya qədər genişlənir.
Azərbaycandakı şirkətin 50 min manat nizamnamə kapitalı var.
