Neft "Panama təhdidi"nəticəsində bahalaşır - QİYMƏT (2312.2024)
Neft həftəlik itkidən sonra yenidən yüksəldi, çünki Trampın təhdidləri diqqət mərkəzindədir.
İnvestorlar ABŞ-ın yeni seçilmiş prezidenti Donald Trampın ABŞ-ın Panama kanalı üzərində nəzarətini bərpa etmək təhlükəsini qiymətləndirirlər. Brent markalı neft ötən həftə 2,1 faiz ucuzlaşdıqdan sonra barrel üçün 73 dollara yaxın ticarət edilib, ABŞ nefti isə 70 dollardan aşağı düşüb.
Hazırda Brent nefti 73,26 dollar təşkil edir.
“Truth” sosial media hesabındakı paylaşımında Tramp Panama kanalının ABŞ ticarətində mühüm yer tutduğunu vurğulayıb. ABŞ-ın keçmiş prezidenti Cimmi Karterin kanalın idarəçiliyini Panamaya təhvil verməsini “səhv” kimi qiymətləndirən Tramp qeyd edib ki, kanal Panamaya “başqalarının xeyrinə” deyil, iki ölkə arasında əməkdaşlığın simvolu kimi verilib. Tramp Panamanın kanaldan istifadəyə görə hədsiz yüksək ödənişlər tələb etdiyini deyərək “Ölkəmizin tam qarətinə dərhal son qoyulmalıdır” söyləyib.
Artan qeyri-müəyyənlik, xam nefti oktyabrın ortalarından bəri ticarət etdiyi sıx diapazondan çıxara bilmədi; Çində zəif tələb və təklif gözləntiləri qazancları azaldıb.
"Trampın beynəlxalq səhnədəki təhdidləri və ritorikası hazırda neft bazarları üçün daha çox səs-küydür. Zəif ticarəti nəzərə alaraq, ilin sonuna doğru xam neftin düşəcəyini gözləyirəm", - Vanda Insights-ın təsisçisi Vandana Hari bildirib.
