“Ölkə üzrə 16 baş plan üzərində iş gedir” – Komitə sədri
Son 6 ildə 26 baş plan hazırlanıb və təsdiq olunub.
Bunu Dövlət Şəhərsalma və Arxitektura Komitəsinin sədri Anar Quliyev jurnalistlərə açıqlamasında deyib.
O bildirib ki, hazırda komitə bütün ölkə üzrə 16 baş plan üzərində çalışır: “9 plan artıq yekunlaşmaq üzrədir. Müvafiq qurumlarla razılaşma əldə olunub. Nazirlər Kabinetinə təsdiq üçün təqdim olunacaq”.
Onun sözlərinə görə, İsmayıllı şəhərinin baş planı da bunlardan biridir.
