Azərbaycanda Aİ-95 markalı benzinin qiyməti dövlət tərəfindən tənzimlənəcək
Aİ-95 markalı benzinin bir neçə aydır ki, Azərbaycanda istehsalına başlanılıb, tənzimlənən qiymətlərlə 1,60 AZN-ə satılır.
Bunu Milli Məclisin Təbii ehtiyatlar, energetika və ekologiya komitəsinin bu gün keçirilən iclasında “Enerji resurslarından səmərəli istifadə və enerji effektivliyi haqqında” qanuna təklif edilən dəyişikliyin müzakirəsində Rauf Qurbanov deyib.
O bildirib ki, amma hələ Aİ-95 markalı benzinin qiyməti tənzimlənən qiymətlərlə satılan məhsullar sırasına daxil edilməyib: “Yaxınlarda Nazirlər Kabineti tərəfindən Aİ-95-i bu siyahıya salacaqlar. Aİ-98 isə bizdə istehsal edilmir. Ona görə, onun qiyməti tənzimlənmir”.
