Dünya bazarlarında neft bahalaşır (01.10.2024)
Dünya bazarlarında neft bahalaşır. Neft Yaxın Şərqdəki geosiyasi risklərdən və İsrailin Livanda qurudan hücumlara başlamasından sonra Brent nefti bazar ertəsi günü bir qədər bahalaşdıqdan sonra bir barel üçün 72 dollara yaxın satılır, ABŞ xam nefti isə 68 dolları keçib.
Məlumata görə, ICE London qitələrarası birjasında keçirilən ticarət əməliyyatlarının gedişində “Brent” neftinin ixracına dair 2024-cü ilin dekabr müqaviləsinin dəyəri 0,11% artaraq 1 barelə görə 71,78 ABŞ dolları təşkil edib.
Nyu-Yorkun NYMEX əmtəə birjasında bu ilin noyabr ayında ixrac etməklə WTI (“West Texas Intermediate”) markalı neftin 1 barelinin qiyməti də 0,10% artaraq 1 barelə görə 68,24 ABŞ dolları təşkil edib.
İsrail ordusu Livanın cənubundakı Hizbullah hədəflərinə qarşı hücuma keçdiyini açıqlayıb. Cümə günü İranın dəstəklədiyi qruplaşmanın liderini öldürdükdən sonra İsrail Livanda Hizbullaha qarşı hücumunu gücləndirib.
Qlobal xam neft indeksi keçən rübdə demək olar ki, 17 faiz azalıb və indi il ərzində ən aşağı səviyyədədir. OPEC+-ın hasilatı bərpa etmək planlarını yerinə yetirəcəyinə dair gözləntilər və Çində iqtisadi yavaşlama qiymətlərə təsir edib.
OPEC+ çərşənbə günü onlayn izləmə iclası keçirəcək. Qrup dekabrda tədarükün bərpasına başlayacaq və Rusiya baş nazirinin müavini Aleksandr Novak keçən həftə heç bir yeni təklifi müzakirə etmədiyini söylədi.
