Qızıldan yeni rekord - QİYMƏT

Qızıl qiymətləri gözlənilən FED-in faiz endirimindən əvvəl ardıcıl rekord səviyyələrə çatıb. Dünənki seansda təxminən yüzdə 2 artan qızıl, FED-in faizləri endirəcəyi gözləntiləri ilə rekord səviyyəyə çatdı.

Spot qızıl həftənin son ticarət günündə bir unsiya üçün 2565 dollara qədər bahalaşaraq rekord qırıb. 

İnvestorların cümə axşamı günü faiz dərəcələrini endirən Avropa Mərkəzi Bankının gələn ay yenidən endirmək şanslarını azaltması nəticəsində qiymətli metal əvvəlki sessiyada avronun dollara nisbətdə bahalaşmasından sonra yeni zirvəyə çatdı.

Pepperstone Group Ltd. Araşdırma rəhbəri Chris Weston, "Qızıl hazırda portfeldə daha çox hedcinq aləti kimi istifadə olunur" - deyib.

Qiymətli metal bu il təxminən 20 faiz bahalaşıb. Qızılın artım tendensiyasını dəstəkləyən digər amillərə mərkəzi banklardan və Çin istehlakçılarından alışların artması, həmçinin Yaxın Şərq və Ukraynadakı münaqişələr daxildir.