Gündəlik ət və emal olunmuş qidalar yemək Alzheimer xəstəliyi ilə bağlıdır
Gündəlik ət və emal olunmuş qidalar yemək Alzheimer xəstəliyi ilə əlaqələndirilir. ENA.az xəbər verir ki, yeni bir araşdırma, Alzheimer diaqnozu qoyulan xəstələrin müntəzəm olaraq ət və emal olunmuş qidalar yeməyə meylli olduqlarını göstərib.
Avstraliyanın Bond Universitetinin tədqiqatçıları 438 nəfəri araşdırdıqdan sonra beyinin degenerativ pozğunluğu ilə bu qidaların istehlakı arasında güclü əlaqə tapdıqlarını düşünürlər.
Tədqiqat iştirakçılarından 108-i Alzheimer xəstəliyinə tutulub, 330-u isə nəzarət qrupuna salınıb. Tədqiqatçılar nevroloji xəstəlik diaqnozu qoyulanların müntəzəm olaraq ətli piroqlar, kolbasa, vetçina, pizza və hamburger kimi qidalar yediyini bildiriblər.
Onların pəhrizləri daha az meyvə və tərəvəzdən ibarət olub, şərab qəbulu isə nəzarət qrupu ilə müqayisədə nisbətən azdır.
Ailə mövzusu
Araşdırmanın aparıcı müəllifi Tahera Ahmadin bu araşdırma ilə şəxsi əlaqəsi var. Onun Alzheimer xəstəliyindən əziyyət çəkən nənəsi və bibisi var idi.
“Təəssüf ki, o vaxtlar bunu bilmirdik. Biz düşündük ki, bu, sadəcə qocalıq səbəbiylə demensiya problemidir”, - Ahmad Bond Universiteti tərəfindən dərc edilən açıqlamada bildirib.
"Alzheimer haqqında araşdırmaya başlayanda nənəmdə bütün simptomların olduğunu başa düşdüm".
Araşdırmaya qatılan Kuldeep Kumar da atasını bu xəstəlikdən itirib.
Ahmad ümid edir ki, onun araşdırması gənclərin beyinlərini qorumaq üçün daha sağlam qidalanma vərdişlərinə sövq edəcək.
"Gənclər arasında yarpaqlı göyərti, üzvi qidalar və ya evdə bişirilmiş yeməklərin istehlakının faydaları haqqında məlumatlılığın artırılması, müntəzəm olaraq emal edilmiş və atqı qidalardan kənarlaşmaları vacibdir".
Qeyd edək ki, əvvəlki tədqiqatlar da ətlə zəngin pəhrizlər və Alzheimer xəstəliyi arasında əlaqə tapmışdı.
Keçən il Alzheimer Xəstəliyi Jurnalında dərc edilən bir araşdırma, demans risk faktorlarına doymuş yağların və ətlərin, eləcə də emal edilmiş və təkrar emal edilmiş qidaların daha çox istifadə edildiyini göstərib.
Alzheimer hazırda müalicəsi olmayan ölümcül bir xəstəlikdir.
